فيسبوك تويتر RSS


  #1  
قديم September 8, 2007, 09:44 AM
 
Girl Hug رسائل عتب جديدة

الرسالة الاولى:

عرفت أبكي من الفرحه
عرفت أضحك من الأحزان
عرفت ان الدموع أرحم وأصدق من يواسيني
عرفت ان الوهم دربي ولا به من يقدرني
عرفت ان الزمن خوان
عرفت ان العيون اللي بكت لي أمس
جت اليوم تبكيني!!
----------


الرسالة الثانية:

عفيه على قلبك وعفيه عليك انت
تبي الصراحه زين سويت فيني
مشكلتي اني على حبك أدمنت
وبك بساطه قلتها ماتبيني
عفيه على قلبك وشكرا ولا هنت
تبي الحقيقه بيدي أعميت عيني!!
----------



الرسالة الثالثة:

البارحه في لذيذ النوم لاقيته
حلوم جابت حبيب الروح خداعه
فزّيت ارحب ودمع العين هلّيته
رميت نفسي وجا راسي على ذراعه
وقعدت أضمه وفوق الصدر لميته
وأثرني أضم الوساده صارلي ساعه!!
----------


الرسالة الرابعة:

دنيا غريبه والبشر مثلها أغراب
لو هي صفت لك ما صفوا لك بشرها
تعطيك من لذتها كل ما طاب
تغريك ثم تغرقك في بحرها
وانا عطتني دنيتي الزين والشعر منها شاب
واللي بنا دنيتي هو نفسه اللي دمرهاز
----------


الرسالة الخامسة:

من عادتي مادس درب الصداقه دس
ألعب على المكشوف وأكشف سواده
من مدلي يمناه مديت له خمس
ومن صد عني عفت شوفت بلاده
لأني عزيز وعزتي تحكم النفس
والنفس ماترضى بهون المكاده
----------


الرسالة السادسة:

مثل النسيم العذب تجرح سكوتي
تسرق بقايا ضحكتي وسط الأصحاب
أحاكي أصحابي وهم يسمعوني
وقلبي معك وكنهم عندي أغراب
وعنك يحاول بعضهم يسألوني
متى؟ وكيف؟ ووين؟ أصبحتوا أحباب؟؟
----------


الرسالة السابعة:

أبشتكيلك دامك أعز الأصحاب
شكوى جريح يبتسم في ونينه
جرح أحسبه طاب وأثريه ماطاب
خلا دموع العين تنزف حزينه
جرح مع القلب حاضر ولا غاب
خلا همومي فقلبي سجينه
ماهي جروح الحب ألام الأحباب
جرح الصديق اللي غلاته ثمينه
----------



الرسالة الثامنة:

الضحك ماهو علامه مستريح
والبكي أحيان مايوحي بحزن
خذ مثل مني: أنا قلبي جريح
وأبتسم لك من غرابيل وشجن
وان بكيت يجوز أبكي من صحيح
من جرح، من ظلم، من صدمة زمن
أو يجوز أبكي علشان أستريح
أو نتيجه شوق أو خلٍ طعن
----------



الرسالة التاسعة:

مات الحكي وأحرجني الموقف احراج
وعجزت أعبر عن هواي اعذريني
ما غير جمله حطها الخوف بسياج
(قلبي يحبك حيل لا تتركيني)
نطقتها أخشى أسبب لك ازعاج
ولولا الغلا ماقلتها صدقيني
----------



اتمنا ان تكون اعجبتكم هذه المسجات
__________________
رد مع اقتباس
  #2  
قديم September 8, 2007, 11:28 AM
 
رد: رسائل عتب جديدة

مسجات رائعه
يسلمو الايادي
رد مع اقتباس
  #3  
قديم September 26, 2007, 01:48 PM
 
رد: رسائل عتب جديدة

الضحك ماهو علامه مستريح
والبكي أحيان مايوحي بحزن
خذ مثل مني: أنا قلبي جريح
وأبتسم لك من غرابيل وشجن
وان بكيت يجوز أبكي من صحيح
من جرح، من ظلم، من صدمة زمن
أو يجوز أبكي علشان أستريح
أو نتيجه شوق أو خلٍ طعن


رووووووووووووعه يسلموا اقلبو
رد مع اقتباس
إضافة رد

مواقع النشر (المفضلة)

الكلمات الدلالية (Tags)
جديدة, رسائل, عتب

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
رسائل في قمــة الروعــه بو راكان رسائل SMS صور MMS 26 June 23, 2013 10:03 AM
رسائل رومانسية بو راكان رسائل SMS صور MMS 17 April 8, 2011 09:34 PM
رسائل اعتذار admin رسائل SMS صور MMS 10 June 30, 2010 02:54 PM
رسائل لم تصل RiiMii كلام من القلب للقلب 5 June 26, 2010 04:25 PM


الساعة الآن 05:52 PM


Powered by vBulletin® Copyright ©2000 - 2015, Jelsoft Enterprises Ltd.
SEO by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر