فيسبوك تويتر RSS


  #1  
قديم November 20, 2009, 02:22 PM
 
رسائل سودانية

رسائل سودانية


- خليني اوصف لك واقول قصة من اربع فصول
تبتدي بحرف الوله وتنتهي بعشقي الخجول
نلتقي بدنيا الاماني نهجر العالم ثواني
تشتبك ايدي بايدك ويحتفي بعطرك مكاني
اااه يا اغلى بشر ااااه حبك مامنه مفر..

2-بشتاق ليك طيوف منسلة من وجع الحروف
معطونة بي طين الجروف
بشتاق قيام
بشتاق جلوس
بشتاق وقوف
سلوى وعزوف
لهفة وكسوف
ريدة وخسوف
دمعة ودفوف
بشتاق كيان جافي وولوف
قاسي وعطوف
احساس وشوف
بشتاق ليك في كل الظروف
ومشتااقين كتيييير..

3-اقول اهديك رسالة حب اخاف الكلمة تخذلني
احاول اربط الكلمات تقوم الللهفة تشغلني
اجيب الباء جنب الحاء تطير الباء
اشيل الكاف اخط الميم بالقوة انسى الواو تضيع التاء
واحاول من جديد اكتب (بحبك موت)

4-نشيلكو انتو في الاول
عشان تمتدو في ذاتنا
نشيلكو لينا ضل خاطر
يغالب لوعة اهاتنا
وترياق الهموم والنوح
وبلسم لي جراحاتنا

5-لما اكتب ليك رسالة
وانت تتأمل حروفا
بيها تعرف شوقنا ليك
وكيف قلوبنا عليك عطوفا
بيها تعرف مقدار عيونك
ونحن مالاقين نشوفا

6- شوقي زايد في بعادي
ودايمة في الوجدان بحسو
مابتغيب الذكرى عني
حتى لو حباني ينسو
وديمه بسأل كيف صباحهم
كيف مقبلهم
وكيف بيمسو؟؟؟؟

7- شفت المطر
افتح يديك واجمع اللي تقدر منهو
شفت اللي جمعته؟
هذا شوقي لغيرك من الناس
داير تعرف قدر شوقي ليك؟
باقي المطر اللي ماقدرت تجمعو!!!

8- احلى رسالة حب لعيونك
كتبها
قلب
مفتونك
رسمها
عقل
مجنونك
مشتاااق
وحياة
عيونك

9- صباح يليق بغلاك
صباح ينقصه نسمة لقاك
يابخت اللي تحبو
ياحظ الينول رضاك

10- اشواقي ليك من عمق السحاب
تتقاطر درر
وقت الروابي بتغازل نسيمات المطر
كل خاطر عارف حدود شوقو
الاخاطري بالشوق انفطر....
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع



الساعة الآن 10:46 PM


Powered by vBulletin® Copyright ©2000 - 2015, Jelsoft Enterprises Ltd.
SEO by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر