فيسبوك تويتر RSS


  #1  
قديم June 24, 2009, 08:14 PM
 
Rose وصفات رائعة ومبتكرة للفطور بالصور >> لا تفوتكم عن جد روووووعة (أرجو التثبيت)

السلام عليكم ورحمة الله وبركاته


آلكل يعرف أهمية وجبة الفطور بالنسبه للجسم ..

وخصوصآ للطلاب والموظفين .. اما الي جالسين بالبيت ماعليهم ضيق متى ماقامو ياكلون شابوره مع كاس شاهي

عشان كذا لآزم نركز عليها أكثر من العشا ..

وبعض الناس مايحبون الفطور لانهم حاطين في بالهم انه خبز مع جبن وكاس شاهي بس

تلقينها تقول اتصبر لين الغداء احسن ..

غلط .. واكبر غلط تفوتين وجبة الفطور ..
ومن ناحية الرشاقه ..وجبة الفطور تعتبر الوجبه الأساسيه لتحرك عضلات البطن في الهضم .. لانها وجبه بعد الأستيقاظ من النوم .. فالجسم بيتحرك بدون كسل ..


معلومات بسيطه حبيت أطرحها واتمنى تستفيدون منها ..
نشوف مع بعض أنواع وجبات للفطور ..


وتقدرين تغيرين بالمقادير .. الي تبي دجاج بدل اللحم او تونه ..



[ بيض بالمرتديلا ]




نقطع المرتديلا + فلفل بارد وندهن الكاسات بزيت ونحط الفلفل البارد ثم المرتديلا ثم الجبن ..



نخق البيض مع ملح وفلفل ونصبه عليهم ونحطهم بصينيه وندخلهم الفرن من تحت حوالي 15 دقيقه .. او بالمكرويف 3 دقايق ..


وتكون جاهزه ..



وبكذا تكون وجبه متكامله .. بروتين + كالسيوم + فيتامين من الفلفل البارد


وقدميها مع خبز وزيتون وكاس قهوه ..









[فطاير الجبنة]



علبه جبن [ يفضل فيتا ] او حلوم حسب رغبتك + 2 بيضه + 1\3 كاس صحين + فانيليا + سكر



نفصل صفار البيض عن البياض .. ونلخط الصفار مع 2 ملعقه صغيره سكر وملعقه صغيره فانيليا .. ثم نضيف الطحين والجبنه بعد تفتيتها ..

بياض البيض نخفقه لحاله حتى ينفش ..




ثم نضيفه ع العجينه .. ونبدا نصبه بالتاوه بعد دهنها بالزبده ..




دقيقه ثم نقلبها ..


وقدميها مع العسل او المربى ..




لو عندك فراوله طبيعي او مجمد حطي لك مقدار بياله مع 1\2ملعقه سكر ونص ملعقه خل .. ثم اهرسيهم وحطيهم على الوجه ..


او توت ..

ومع كاس حليب بتكون وجبه مثاليه ..










[ميني بان كيك]




الخليط هذا سريع ولا يحتاج بيض ولا زيت ولا حليب .. فقط مويه ..


جهزيه وهاتي قوالب أشكال .. وأبدي الشغل . .




حطيهم ع التاوه وصبي الخليط فيها ..




وقدميها بطريقتك ..







[فطور جيمي أوليفر ]


2 بيضه مخفوقه مع بياله حليب .. ونقليها

نقانق مشويه بالفرن مع حبه طماط بالفلفل الأسود والملح ..


تقدم مع الخبز الأسمر المحمص ..


أضفت لها زيتون وكاس شاهي يعدل المزاج ..


[توست هولندي]


توست أسمر محمص ومقطعه أطرافه ..

ندهنه بزبده وهو حار ثم نرشه بسكر بودره .. ونقطع حبات فراوله ونحطها فوقه ..


قدميه مع كاس عصير برتقال طازج وكاس كابتشينو . .


نقدر نزينه بالنوتيلا



[رولز فرنسي رائع]


2 بيضه + نص كاس حليب + ملعقه صغيره سكر + نص ملعقه صغيره ملح .. نخفقهم ثم نضيف لهم نص كاس دقيق ..




ونتركهم نص ساعه يتخمرون ..


نجهز القلايه وندهنها بشوي زبده او زيت ونبدا نصب الكريب مقدار بياله ..




حوالي 30 ثانيه ثم نقلبه ..




انتي وذوقك .. وش حابه تحشينه .. ؟

نوتيلا وفراوله ؟

مربى وزبده الفول السوداني ؟

جبن وعسل ؟


انا حشيتها عشقي .. زبده الفول السوداني + مربى مشمش حلواني

لفيها رول وقصيها من النص وقدميها ..




[التوست الفرنسي ]




توست مقصوصه أطرافه + بيضه مخفوقه + بياله كريمه خفق او حليب + نص ملعقه صغيره فانيليا نخلطهم مع بعض ..


نغطس التوست بالخلطه ثم نحمرها على تاوه مدهونه بالزبده ..


ثم نقصها من النص ونقلبها في سكر باودر ..



وقدميه مع كاس نسكافيه ..
لو حبيتي أضيفي له جبنه وطبقيه ..


وأنطلقي بعدها للدوام
اتمنى يعجبكم المووووووووضوع
__________________




طب هيا فين المشكلة
أنا نفسي مش قآدر أفرق ..!


هوآ حلمه كان كبير ؟
ولآ مقاس الدُنيا ضيّق ؟



رد مع اقتباس
  #2  
قديم June 26, 2009, 02:44 PM
 
رد: وصفات رائعة ومبتكرة للفطور بالصور >> لا تفوتكم عن جد روووووعة (أرجو التثبيت)

ااه موضوع حلو وجديد مشكوره خيتو ربنا يبارك فيكي
رد مع اقتباس
  #3  
قديم June 27, 2009, 10:47 AM
 
رد: وصفات رائعة ومبتكرة للفطور بالصور >> لا تفوتكم عن جد روووووعة (أرجو التثبيت)

موضووع روووووووووووووووعه
تسلمين حبيبتي................
__________________

رد مع اقتباس
إضافة رد

مواقع النشر (المفضلة)

الكلمات الدلالية (Tags)
وجبة،فطور،روعة،متكامل،وصفة،طريقة

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
أضخم موسوعة خلفيات لعام2009 بالصور منتقاة بعناية فائقة جدا أرجو التثبيت أضخم موسوعة خلفيا Up 2 Date صورة و صور 5 May 2, 2011 10:32 PM
وصفات اشهر المطاعم(ارجو التثبيت) 000 جوري السعوديه وصفات الطبخ 24 April 24, 2011 12:37 PM
يامن تنظرون الى .. قصيده روووووعة ولا تفوتكم ذكرى الرحيل شعر و نثر 10 October 20, 2008 08:26 PM
نصيحة من طفل مسلم في اقل من 5 دقايق روووووعة لا تفوتكم خالد اشرف اناشيد و صوتيات الإسلامية 10 March 4, 2008 09:44 PM


الساعة الآن 10:14 PM


Powered by vBulletin® Copyright ©2000 - 2015, Jelsoft Enterprises Ltd.
SEO by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر